تو ہی ہماری جان ہے
تو قوتِ ایمان ہے
تو ہی ہماری آن ہے
اے پاک وطن
تجھ سے ہماری شان ہے
تجھ سے ہماری آبرو
قریہ بہ قریہ کو بہ کو
اے جان و دل کی آرزو
اے پاک وطن
تجھ سے ہماری شان ہے
تری زمیں کے پاسباں
شمس و قمر کے رازداں
تری بہاریں جاوداں
اے پاک وطن
تجھ سے ہماری شان ہے
قلب و نظر کی روشنی
تو ہے نویدِ زندگی
تو ہے جلالِ حیدری
اے پاک وطن
تجھ سے ہماری شان ہے
(یکم اکتوبر ۱۹۶۵ ۔ موسیقی۔ کالے خان، تقریباً چالیس آوازیں )
ناصر کاظمی
سخن سرا کا نیا سفر 